Bandera azul 2016

Unha das praias pioneiras en lucir Bandeira Azul dos Mares Limpos de Europa.

Son máis de 2 Km de areal a mar aberto e conta cun paseo de madeira que nos permite osixenar o corpo e avivar o espírito en calquera época do ano.

Está orientada ao sur e a súa area é branca e fina.

Características

Situada no Concello do Grove, A Lanzada é unha das praias máis emblemáticas e unha das mellores do litoral galego. A calidade da súa area e as súas augas xunto coas súas instalacións permítenlle cumprir desde o ano 1988 os distintos requisitos que outorgan a Bandeira Azul.

Características:

• Orientación: Sur
• Dimensiónes: 2700 m de lonxitude e 40 m de anchura media en pleamar
• Tipo de superficie: Area branca e fina con rocas a ambos os dous lados da praia. Presenta un espazo dunar protexido con abundante flora e fauna.
• Características da zona de baño: Augas transparentes e unha temperatura media anual de 12°C con rango de ondas de 0.5 a 6 m. entre días de calma e mal tempo. Ten correntes de resaca na zona centro da praia.
• Climatoloxía en veráno: A praia ten unha temperatura ambiente media de 24°C e atópase ao abrigo dos ventos predominantes do norte
• Actividades recreativas e deportivas: bodyboard, surf, windsurf, padelsurf, kitesurf, pesca deportiva, artefactos flotantes inchables.

Sabías que...?

• A Lanzada ten restos arqueolóxicos dun castro marítimo datado no s. VIII a.c. e unha necrópole romana situada no III d.c.
• No século V a.C., púnicos e fenicios fixeron da Lanzada un dos principais puntos de intercambio de estaño, ouro e salgadura do noroeste da Península Ibérica.
• No século X, existía un castelo, do que se conservan os restos dunha torre, que foi parte da defensa contra invasións árabes e viquingas e a cuxos pés se enfrontaron Dona Urraca e o arcebispo Gelmírez e sufocouse parte da Revolta Irmandiña.
• As primeiras noticias escritas sobre os restos arqueolóxicos romanos e mediavales aparecen nas obras de Frai Martín Sarmiento no século XVIII quen supuxo que eran parte de Lambriaca, unha cidade desaparecida descrita polo geógrafo Pomponio Mela.
• Ten unha ermida de estilo románico onde o último sábado e domingo de agosto celébrase a romaría da nosa Señora da Lanzada. Nesta celebración realízase o rito do "baño das nove ondas" onde unha muller con problemas de fecundidade báñase nas augas da Lanzada recibindo as nove ondas para despois oir unha misa na ermida.

Dominando a praia, o monte Siradella aínda garda entre as súas rocas unha higuera segundo a tradición serviu para colgar a D. Juan da Meca. Do mesmo xeito que en Fuenteovejuna, este fidalgo vió como o pobo, motivado por un futuro esposo, tomouse vinganza de todas as súas tropelías. Á pregunta do xuíz: Quen matou ao Meco?, o pobo respondeu: "Matámolo todos!". Desde aquel día, meco e meca son os topónimos dos veciños do Grove.

Información ambiental

A Lanzada garda uno dos ecosistemas dunares máis representativos e completos do litoral galego.

Detrás da praia, hai unha vasta sucesión de dunas embrionarias e móbiles con vexetación descontinua. Cara ao oeste, unha cuberta vexetal máis densa fixa as dunas dá paso a unha zona máis deprimida onde se localizan as lagoas estacionales. Ao longo desta transición existe un destacado número de especies de plantas, entre elas endemismos ibéricos e mesmo, rexionais.

Desde a praia tamén se forma unha duna rampante ao longo da ladeira do monte Siradella debido á acción dos ventos do suroeste. Este monte situado ao norte da praia presenta os mellores miradoiros, de obrigada visita, desde os que divisar A Lanzada e a Ría de Arousa, varias rutas de sendeirismo e unCentro de Interpretación da Natureza.

Ás costas da praia e formando parte do "Complexo Intermareal Umia-O Grove" está a Enseada de Ou Bao, un asentamento excepcional para un gran número de especies animais, principalmente invertebrados. Moitos curiosos, naturalistas afeccionados e profesionais ocupan habitualmente as súas beiras polo seu excepcional valor ornitolóxico, especialmente de aves acuáticas invernantes. Esta riqueza fixo que este espazo fose incluído no Convenio de Ramsar en 1985 e como Zona Húmida de Importancia Internacional en 1989. A día de hoxe, tamén foi declarado como Zona de Especial Protección para as Aves da Unión Europea e parte da Rede Natura 2000

Destaca no esforzo por valorar e divulgar a riqueza ornitolóxica das inmediacións da Lanzada, o proxecto PIO

Servizos

Na praia da Lanzada hai un grupo de Socorristas Titulados en Salvamento Acuático ou Socorrismo Terrestre que forman parte do equipo de Protección Civil, ademais de voluntarios, 3 postos de socorros, 1 posto de vigía no centro, 2 torres de vixilancia nos laterais, ademais dunha embarcación de rescate.

A praia está balizada a 200 metros da beira pola empresa Botamavi con dúas zonas delimitadas para a realización de actividades naúticas. Todos os postos contan con cartelería de autoprotección e localización de todos os servizos da praia.